Festival de Nadal

Bo Nadal

Recibimos correo de Monforte

Hoxe recibimos as tarxetas de Nadal dos nosos amigos de Monforte. Algúns tamén nos escribiron unha carta e mamdáronnos a súa foto.


Son todas moi bonitas. Grazas

¿Sabes quen é o Apalpador?

Moito antes de que a sociedade de consumo importase dos países nórdicos a Papá Noel, en Galiza xa habitaba a figura mítica do Apalpador.

O Apalpador é un home de barba rubia, un vello xigante, que vive nas devesas das altas montañas facendo carbón para escorrentar o frío do inverno.

Na noite do 24 de decembro baixa ata as aldeas, métese polas chemineas nas casas e achégase aos nenos e ás nenas que dormen ao remol das mantas e apálpalles as barrigas para ver se os cativos están ben alimentados. Dálles un bico na meixela e déixalles unha presa de castañas para que non pasen fame.

O Apalpador é moi lambeteiro e se os nenos lle deixan un calcetín ou uns zapatos con algo doce para axudarlle a andar toda a noite visitando todas as casas de todos os nenos galegos, el entrégalles os agasallos de madeira, tea e cartón que fixo coas súas mans no tempo de lecer do resto do ano. Ao Apalpador gústanlle máis os xoguetes feitos á man con materiais naturais como a madeira ou o barro, cheos de cariño e respectuosos co medio ambiente, que aqueles de plástico, automáticos e con pilas que gastan moita enerxía e empobrecen os nenos e nenas doutras partes do planeta.

(Debuxo de Sara)

(A tradición, recollida por José André López González nas comarcas do Courel e do Cebreiro)

Suspensión das clases para o 16 de decembro

SANTIAGO DE COMPOSTELA, 15 decembro 2009
A Consellería de Educación e Ordenación Universitaria decidiu, como medida de precaución, a suspensión das clases en todos os centros educativos de Galicia durante a xornada de mañá, 16 de decembro.Esta medida tómase en base á predición, feita pola Axencia Estatal de Meteoroloxía (AEMET), dun fenómeno meteorolóxico adverso con precipitacións en forma de neve que afectarán á Comunidade Autónoma de Galicia en cotas baixas a partir das 00.00 horas oficial do mércores 16 de decembro.
Consellería de Educación e Ordenación Universitaria

Postais para os amigos de Monforte

Estas son as postais que fixemos para mandarlle aos nosos amigos de segundo do Colexio Novo de Monforte.
Esperamos que lles gusten e desexámoslles que pasen un Bo Nadal e que o pasen moi ben nas vacacións.
ATA LOGOOOO

O noso super

Dende fai tres semanas temos un super na clase. Todos os nenos e nenas trouxemos caixas,botes e botellas vacias de diferentes alimentos, logo fixemos uns carteis cos prezos de cada cousa.
Na clase de matemáticas xogamos a que uns son compradores e outros dependientes e temos que facer as contas para saber canto lle temos que cobrar a cada un e tamén aprendemos a pagar coas diferentes moedas e billetes.

O ciclo da auga

Como estamos estudando os estados da auga, o ciclo da auga e temén a contaminación desta, propóñovos ver este vídeo.

Falan nun idioma moi parecido ao noso. ¿Sabes de que idioma se trata?

Hoxe celebramos o magosto

Hoxe celebramos o magosto no cole. Comemos castañas asadas no comedor e pola tarde fixemos xogos no patio.

Monicrequeando

Hoxe vimos unha obra de teatro moi especial: "A rebelión do monicreque".
É moi especial porque os actores principais non son dous actores calquera, senón Anteollos e Trapos, dous monicreques con ganas de vivir aventuras.
Esta obra serviunos ademais de para pasar un anaco cheo de intriga e aventuras, tamén para descubrir os monicreques e comprobar que é un xeito grande e fermoso de divertirnos.

¿Como se fai o pan?

Como estamos estudando o tema dos alimentos propóñovos ver este video e veredes como se fai o pan.

Espero que vos guste.

Visita de dous xogadores do COB

Hoxe recibimos a visita de Gonzalo e Rolando, dous xogadores do COB.

Estivemos facéndolles preguntas sobre eles e o baloncesto, sacamos fotos con eles e tamén nos firmaron autógrafos nunha foto que nos deron. Pasámolo moi ben

Os froitos do outono

Nas clases de plástica estivemos decorando diferentes froitos do outono.Ás cabazas puxémoslle castañas de ollos, noces de nariz...., as granadas decorámolas con plastilina.....

Cando rematamos fixemos unha exposición cos nosos traballos.

Mañá de cine

Hoxe a mañá estivemos vendo a película "WALL-E" na que se traballan diferentes valores. Despois falamos un pouco sobre a temática da mesma e chegamos a conclusión de que temos que coidar o noso planeta, que temos que facer exercicio e alimentarnos ben...

Coa película reflexionamos un pouco e ademáis pasámolo moi ben.

Xogos no patio

Onte viñeron uns monitores da actividade "Ourense lúdico" e estivemos no patio do colexio facendo un montón de xogos: o xogo da rá, ao pañuelo, aos bolos...

Pasámolo moi ben.

Os pequechos

Os pequechos somos un grupo de nenos e nenas que viñemos de distintos lugares da nosa xeografía: Uns viñemos de Primeirobe, outros de Primeiroá e os outros de Infantilandia.
Formamos un grupo moi especial. Somos nenos e nenas de seis e sete anos que somos amigos, amables e aplicados.
Esperamos que vos guste o noso blog e que o sigades para ver os nosos traballos, saídas...